Reseıde polıtsııa qyzmetkerlerin óltirdi degen kúdikpen 8 adam izdestirilýde
ASTANA. QazAqparat - Reseıde polıtsııa qyzmetkerlerin óltirdi degen kúdikpen 8 adam izdestirilýde. Bul týraly QR Ulttyq qaýipsizdik qyzmetiniń ókilderi taratqan málimetterden belgili boldy, dep habarlaıdy QazAqparat.
«Buqaralyq aqparat quraldarynda 4 sáýirde Astrahanda Reseı polıtsııasynyń eki qyzmetkeri óltirilgendigi habarlandy. Atalǵan qylmysqa qatysty degen kúdikpen Reseıdiń segiz azamatyna izdeý salyndy, boljam boıynsha olardyń ekeýi Qazaqstannyń týmasy. Olardyń týǵan jeri týraly aqparat tekserilýde»,-delingen UQK taratqan aqparattarda.
Kúdiktiler Qazaqstan Respýblıkasy ulttyq qaýipsizdik jáne ishki ister organdarynyń jedel esepterinen ótpeıdi.
UQK jáne ІІM qylmysqa qatysty adamdardy izdeý maqsatynda reseılik seriktestermen qarym-qatynas ornatty, shekaradan ótkizý pýnktterinde baqylaý kúsheıtildi. Atalǵan fakti boıynsha ózge qajetti sharalar qoldanylýda.
