Reseıde polıtseılerdi óltirdi degen kúdikpen izdeýde júrgenderdiń biri Atyraýda ustaldy
ASTANA. QazAqparat - Qazaqstan Respýblıkasy Ulttyq qaýipsizdik komıteti jáne Іshki ister mınıstrligi reseılik seriktesterdiń baǵdary Astrahanda polıtsııa qyzmetkerlerin óltirýge qatysy bolýy múmkin Reseı azamattaryn tekserýdi jalǵastyrýda, dep habarlady búgin QR Ulttyq qaýipsizdik komıtetiniń baspasóz qyzmeti.
Júrgizilgen jedel is-sharalardyń nátıjesinde izdeýdegi adamnyń biri Gızatov Alıbek Batyrbekovıch (Qazaqstannyń týmasy, 1990 jyly týylǵan) Atyraý oblysynda tabyldy.
Gızatovtyń vahtalyq ádispen kásiporyndardyń birinde jumys isteý úshin respýblıka aýmaǵyna bıylǵy jyldyń 31 naýryzynda kelgeni anyqtaldy. Aldyn ala málimetter boıynsha ol qarýly shabýylǵa qatyspaǵan.
Qazirgi kezde jasalǵan qylmysqa qatystylyǵyn anyqtaý úshin Gızatovty reseılik tarapqa berý máselesi qarastyrylýda.
