Reseıde plastıkalyq ota kezinde 25 jastaǵy áıel qaıtys boldy
ASTANA. 19 mamyr. QazAqparat - Reseıdiń Magnıtogorsk qalasynda plastıkalyq ota jasatý kezinde 25 jastaǵy áıel qaıtys boldy. Tósin úlkeıtý boıynsha ota jasalyp jatqan kezde ol eseńgirep qalypty.
Vestı.ru habarlaǵandaı, kóz jumǵan áıel jyl boıy ota jasatý úshin tapqan-taıanǵanyn jıǵan eken. Tósin úlkeıtý otasy qala emhanalarynyń birinde jasalypty. Alaıda otany jasaý barysynda áıeldiń júregi toqtap qalǵan. Dárigerlerdiń aıtýynsha, áıel «mıorelaksant» dárisine allergııalyq reaktsııanyń saldarynan qaıtys bolypty. Ol bulshyq etterdi bosańsytyp, reflekstik belsendilikti boldyrmaý úshin qoldanylady eken. Alaıda saýalnamany toltyrǵanda áıel qandaı da bir dárige allergııasy joq ekenin kórsetken.
Endi bul iske Chelıabi oblysynyń tergeý komıteti aralasatyn boldy. Qaıtys bolǵan áıeldiń kishkentaı balasy bar kórinedi, dep jazdy 1tv.kz.
