Reseıde Peterbýrg halyqaralyq ekonomıkalyq forýmy bastaldy
MÁSKEÝ.KAZINFORM — Sankt-Peterbýrgte «Pragmatıkalyq dıalog — turaqty bolashaqqa aparar jol» ataýymen ótip jatqan Peterbýrg halyqaralyq ekonomıkalyq forýmy óz jumysyn bastady, dep habarlaıdy agenttik tilshisi.
Forým 3–6 maýsym aralyǵynda ótedi. Іs-sharanyń dástúrli uıymdastyrýshysy — «Roskongress» qory. PMEF 1997 jyldan beri jyl saıyn ótkizilip keledi, al 2006 jyldan bastap Reseı Federatsııasy Prezıdentiniń qamqorlyǵymen jáne qatysýymen uıymdastyrylady.
Forýmnyń turaqty alańy — «Ekspoforým» kongress-kórme ortalyǵy. Bıylǵy forýmǵa 130-dan astam el men aýmaqtyń ókilderi qatysyp jatyr.
Іskerlik jáne dıplomatııalyq kún tártibinde erekshe nazar Saýd Arabııasyna aýdarylǵan. Bul el forýmnyń qurmetti qonaq memleketi mártebesine ıe boldy. Mundaı sheshim Reseı men Saýd Arabııasy Koroldigi arasyndaǵy dıplomatııalyq qatynastardyń ornaǵanyna 100 jyl tolýyna oraı qabyldandy.
Peterbýrg halyqaralyq ekonomıkalyq forýmynyń negizgi oqıǵasy dástúr boıynsha 5 maýsymǵa josparlanǵan plenarlyq otyrys bolmaq. Onda Reseı Prezıdenti Vladımır Pýtın el ekonomıkasynyń qazirgi jaǵdaıyna baǵa berip, bızneske arnalǵan strategııalyq bastamalaryn tanystyrady dep kútiledi.
Reseı prezıdentiniń kómekshisi ıÝrıı Ýshakovtyń aıtýynsha, forýmǵa 76 eldiń memleket qaıratkerleri men saıasatkerleri, sondaı-aq TMD, OPEK, Gaz eksporttaýshy elder forýmy jáne BRIKS-tiń Jańa damý banki sekildi halyqaralyq uıymdardyń basshylary qatysady.
Sheteldik qatysýshylar qatarynda BUU Bas hatshysynyń sý resýrstary jónindegi arnaıy ókili Retno Marsýdı, BAÁ ekonomıka jáne týrızm mınıstri Abdýlla bın Týk Ál-Marrı, Qyrǵyzstan Mınıstrler kabıneti tóraǵasynyń birinshi orynbasary Danııar Amangeldıev, Kolýmbııanyń aýyl sharýashylyǵy mınıstri Marta Karvahalıno, ATES hatshylyǵynyń atqarýshy dırektory Edýardo Pedrosa, Serbııanyń halyqaralyq ekonomıkalyq yntymaqtastyq máseleleri jónindegi mınıstri Nenad Popovıch, Ońtústik Afrıka Respýblıkasy Kirister qyzmetiniń komıssary Djonstoýn Makýbý, Indonezııanyń ınfraqurylym jáne óńirlik damý máseleleri jónindegi úılestirýshi mınıstri Agýs Harımýrtı ıÝdoıono, Kosta-Rıkanyń burynǵy vıtse-prezıdenti ári BUU Saýda jáne damý jónindegi konferentsııasynyń (ıÝNKTAD) Bas hatshysy Rebeka Grınspan, sondaı-aq Eýropalyq bıznes qaýymdastyǵynyń bas dırektory Tadzıo Shıllıng bar.
