Reseıde pavlodarlyq reperdi óltirgen adam 6,5 jylǵa sottaldy
ASTANA. QazAqparat - Rep oryndaýshysy men onyń prodıýseri arasyndaǵy daý tóbeleske jalǵasyp, saldarynan mýzykant qaza tapty, dep jazady óńirlik Nasha versııa na Neve basylymy.
Bir jyl buryn Vasıleostrovskaıa aýdandyq prokýratýra Ivan Zyrıanovty adam óltirý faktisi boıynsha aıypty degen qorytyndyǵa keldi.
Tergeý nusqasyna qaraǵanda, 2015 jyly aqpan aıynda Zyrıanov jaqsy tanymaıtyn adamdarmen birge otyryp ishimdik ishken. Páterde mýzyka qatty oınaǵanyna baılanysty arada daý týǵan. Zyrıanov tanysyna pyshaq suǵyp, japa shegýshi oqıǵa ornynda kóz jumdy.
Ajal qushqan 24 jastaǵy Eldar Muratov Pavlodar qalasynda týǵan. Rep oryndaýshysy eL'nix degen laqap atpen óner kórsetken. Ol Sankt-Peterborǵa baıqaýǵa qatysý úshin barǵan. 31 jastaǵy Ivan Zyrıanov onyń prodıýseri bolǵan. Eldar Mýratov baıqaý daıyndalyp jatqan, ári Zyrıanovtyń aıtýynsha kúni-túni jurttyń mazasyn alǵan.
Daý shyqqan kezde Zyrıanov pyshaq ala júgirgen óıtkeni Eldar shyǵys jekpe-jegimen aınalysqan jan-jaqty adam bolǵan.
Reseılik adam óltirgenin moıyndady. Prokýratýranyń habarlaýynsha, endi ol 6,5 jyl qatań tártiptegi túrmede jazasyn óteıdi.
