Reseıde parlament saılaýy ótip jatyr
ASTANA. QazAqparat - Reseıde jetinshi shaqyrylymdaǵy Memlekettik dýma depýtattarynyń saılaýy ótip jatyr. Saılaýda reseılikter parlamenttiń tómengi palatasynyń quramyn jasaqtaıdy, dep habarlady TASS.
Reseı Konstıtýtsııasyna sáıkes, Memlekettik dýma 450 depýtattan turady. Jańa dýmalyq quram aralas júıemen - 225 depýtat proportsııalyq júıe (partııalyq tizim boıynsha) jáne 225 bir mandattyq okrýg boıynsha saılanady.
RF geografııalyq aýmaǵyna (úlken bolǵanyna) baılanysty daýys berý bir táýlikten asady: Birinshi saılaý ýchaskeleri Kamchatka men Chýkotkada jergilikti ýaqytpen saǵat 8:00-de, al Reseı aýmaǵyndaǵy sońǵysy Máskeý ýaqytymen saǵat 21:00 batystaǵy óńirde - Kalınıngrad oblysynda jabylady. Bul kezde eldiń shyǵys bóliginiń turǵyndary úshin 19 qyrkúıek.
