Reseıde ózine qol jumsaýdy nasıhattaǵan «VKontakte» jelisindegi 8 topqa tyıym salyndy
ASTANA. QazAqparat - Reseıdiń Baılanys, aqparattyq tehnologııalar jáne buqaralyq kommýnıkatsııalar salasyn baqylaý jónindegi federaldyq qyzmeti (Reskombaqylaý) «VKontakte» jelisindegi «sýıtsıdti nasıhattaǵan» 8 topqa tyıym saldy, dep habarlady Vedomstvo basshysy Aleksandr Jarov. Bul týraly TASS agenttigi jazdy.
««Reskombaqylaýǵa» sýıtsıdti nasıhattaǵan 11 beıresmı top týraly aqparat kelip tústi. Qazir segiz paraqshaǵa tyıym salyndy, úsheýine Reseı tutynýshylar baqylaýy organy saraptama júrgizýde», - dedi Jarov.
Onyń aıtýynsha, tyıym salynbaı turǵan úsh topty ashyp, júrgizip otyrǵandar aqparattardy óshirip úlgergen.
