Reseıde Ózbekstannyń 10 azamaty tirideı órtenip ketti
TOMSK. TASS-QazAqparat – Reseıdiń Tomsk oblysynda órtten Ózbekstannyń 10 azamaty qaza tapty, dep habarlaıdy QazAqparat TASS-qa silteme jasap.
Tótenshe jaǵdaılar mınıstrliginiń málimeti boıynsha, Prıchýlymskıı aýylyndaǵy bir qabatty aǵash úıde órt bolyp jatqany týraly habarlama máskeý ýaqytymen 00:10-da túsken. Birinshi bólimshe oqıǵa ornyna jetkende úı tolyqtaı órtke oranǵan. Jalyn 208 sharshy metr aýmaqty sharpydy. Áýelde bes adamnyń denesi tabylǵan. Keıinirek, RF Tótenshe jaǵdaılar mınıstrliginiń baspasóz qyzmeti, mert bolǵandar sany 10-ǵa jetkenin málimdedi.
Shuǵyl qyzmet ókilderi taǵy eki adamnyń zardap shekkenin aıtty. Úsh adam óz betterimen shyǵyp úlgergen. «Aldyn ala málimet boıynsha, qaza tapqandar men zardap shekkender Ózbekstan azamattary», - delingen aqparatta.
Derekkóz málimetinshe, aǵash úıde aǵash daıyndaýmen aınalysatyn «Grınvýd» Jaýapkershiligi shekteýli qoǵamdastyǵynyń 12 jumysshysy turyp jatqan. Zardap shekken eki azamatqa emhanalyq kómek kórsetildi.
