Reseıde Ózbekstan azamatynan 10 keli shash tárkilendi
ASTANA. KAZINFORM — Reseıdiń Nıjnıı Novgorod qalasynyń soty Ózbekstan azamatynan 10 keliden astam shashty resmı túrde tárkileýge sheshim shyǵardy.
Jolaýshy Nıjnıı Novgorodtyń Chkalov áýejaıyna 2025 jyldyń 22 shildesinde Ózbekstannan kelgen, biraq tárkileý týraly sot sheshimi 2026 jyldyń naýryz aıynda jarııalandy.
Onyń júginen ártúrli uzyndyqtaǵy 94 baılam tabıǵı adam shashy tabyldy. Jalpy salmaǵy 10,05 keli boldy.
Er adam júkti deklaratsııalamaı «jasyl jolaqtan» ótýge tyrysty. Taýarlardyń kólemi men sıpaty «jeke paıdalaný úshin» sanatyna sáıkes kelmegendikten, odan kedendik deklaratsııa tapsyrý talap etildi.
Qalanyń Avtozavodskaıa aýdandyq soty sheteldikti taýarlardy deklaratsııalamaǵany úshin kináli dep tapty. Shash memlekettik kiriske aýdaryldy. Qazirgi ýaqytta er adam sheshim ústinen oblystyq sotqa shaǵymdanýǵa tyrysyp jatyr.
Bul rekordtyq kórsetkish emes: 2025 jyldyń shildesinde Volgogradta Dýbaıdan ushyp kelgen taǵy bir Ózbekstan azamatynan quny 4,3 mıllıon rýblden asatyn 41 kelige jýyq shash (222 baılam) tárkilendi. Olar Máskeýdegi sulýlyq salonyna jetkizilýi kerek edi.
Eske sala keteıik, Reseıde meteorıtti zańsyz alyp shyǵý áreketi toqtatyldy.