Reseıde ótetin halyqaralyq baıqaýda Qazaqstan atynan kim óner kórsetetini belgili boldy

ASTANA. KAZINFORM – Bıyl 20 qyrkúıek kúni Reseıde halyqaralyq mýzykalyq «Intervıdenıe – 2025» baıqaýynyń fınaly ótedi.

QR Mádenıet jáne aqparat mınıstrligi baspasóz qyzmeti málimetinshe, Qazaqstan atynan bul baıqaýǵa «Daryn» memlekettik jastar syılyǵynyń laýreaty, Amre laqap atymen tanymal ánshi Ernar Sadyrbaev qatysady.

Ernar Sadyrbaev – T. Júrgenov atyndaǵy Qazaq ulttyq óner akademııasynyń túlegi. Pop, pop-classic, latino jáne R&B baǵyttarynda oryndaıtyn ánshi halyqaralyq festıvalder men baıqaýlardyń jeńimpazy.

2018 jyly Ernar Sadyrbaev Vıtebsk qalasynda ótken «Slavıan bazary» festıvalinde birinshi oryn ıelendi. 2021 jyly ol Qazaqstanda ótken «Maska» televızııalyq shoýyna qatysyp, kórermenniń súıispenshiligine ıe boldy.

Shoý barysynda Ernar «Búrkit» beınesinde óner kórsetip, erekshe yqylasqa bólendi. Ánshiniń taǵy bir jeńisi – reseılik «Golos» jobasyna qatysýy. Bul shoýda ol Dıma Bılannyń komandasyna qosylyp, fınalǵa deıin jetti.

Aıta keteıik, qazaqstandyq ánshi «Slavıan bazary» baıqaýynda Gran-prı ıelendi.