Reseıde órtten 4 bala qaza tapty
MÁSKEÝ. QazAqparat – Reseıdiń Krasnoıarsk ólkesinde turǵyn úıde shyqqan órtten segiz adam, sonyń ishinde tórt bala qaza tapty. Bul týraly TASS-qa dúısenbi kúni RF Tótenshe jaǵdaılar mınıstrliginiń baspasóz qyzmetinen málim etti, dep habarlaıdy QazAqparat.
«Máskeý ýaqytymen 22:26-da Krasnoıarskte Gýsarov kóshesinde kópqabatty páterden órt shyqty. Segiz mınýttan keıin alǵashqy órt sóndirý bólimi jetken soń úshinshi qabattyń terezesinen ashyq jalyn baıqalǵan. Órtti aýyzdyqtaý barysynda segiz adamnyń, sonyń ishinde tórt balanyń denesi tabyldy», - dedi vedomstvodan.
ІІM-niń óńirlik basqarmasynda polıtsııanyń tekserý júrgizip jatqanyn habarlady.
«Oqıǵa ornynda tergeý-jedel toby jumys istep jatyr, mán-jaı anyqtalýda», - dedi basqarmada.
Óńirlik jedel qyzmet derekkóziniń málimetinshe, órt otty abaısyz qoldaný nemese qysqa tuıyqtalý saldarynan tutanǵan.
Jalyn elorda ýaqytymen 01.04-te aýyzdyqtalyp, 01:36-da sóndirilgen. Jalpy, 40 sharshy metrdi sharpyǵan.
