Reseıde Ortalyq Azııadan adam múshelerin tasymaldaýshy ustaldy
ASTANA. QazAqparat - Reseıdiń Sankt-Peterbýrg qalasynda Ortalyq Azııadan adam múshelerin tasymaldaýshyny ustady, dep habarlaıdy «Fontanka» saıty.
Oqys oqıǵa metronyń «Gorkovskaıa» stansasynda bolǵan. 22 sáýirde polıtsııa jas jigitti ustady. Ol adam músheleri salynǵan qorapty alyp bara jatqan. Polıtsııa qyzmetkerleri odan ishki músheler salynǵan on shaqty plastık konteınerdi tapty.
23 jastaǵy Qyrǵyz Respýblıkasynyń azamatynyń aıtýynsha, ol Peterbýrgtegi medıtsınalyq oqý oryndarynyń birinde bilim alady jáne kelisim boıynsha zerthanadan bıomaterıaldardy emhanaǵa jetkizip beredi. Alaıda eshqandaı ilespe qujattardy kórsete almady.
Polıtsııa qyzmetkerleri konteınerlerdi istiń mán-jaıy anyqtalǵansha tárkiledi.
