Reseıde órt oqıǵalarynyń saldarynan oqý jylynyń bastalýy shegerilýi múmkin - «Rospotrebnadzor»
ASTANA. Tamyzdyń 5-i. QazAqparat - Orman órtteriniń saldarynan týyndap otyrǵan kúrdeli ekologııalyq jaǵdaıǵa baılanysty Reseı mektepterinde oqý jylynyń bastalýy qyrkúıektiń 1-inen keıinge ysyrylýy múmkin.
RF Bas sanıtarlyq dárigeri Gennadıı Onışenkonyń habarlaýynsha, eger jaǵdaı jaqsarmaıtyn bolsa, «Rospotrebnadzor» agenttigi sáıkes usynys jasaıtyn bolady, dep habarlaıdy «Eho Moskvy» radıosy. Degenmen, G.Onışenko myrza jaǵdaıdyń retteletindigine úmitti.
Esterińizge sala keteıik, qazirgi tańda aptap ystyq pen qurǵaqshylyqtyń saldarynan Reseıdiń 17 sýbektinde tabıǵı órt oshaqtary tirkelip otyr. 7 sýbektide, onyń ishinde Máskeý oblysy da bar, tótenshe rejim jarııalanǵan.
48 adam tilsiz jaýdyń qurbany bolyp otyr. Oǵan qosa, órt saldarynan 2 myńdaı úı órtenip, 3,5 myńnan astam baspanasyz qalyp otyr.
