Reseıde ormanda aǵash kesýshini jolbarys jep ketti

HABAROVSK. TASS-QazAqparat – Habarovsk ólkesiniń Nanaı aýdanyndaǵy aýyldyń birinde aǵash kesýmen aınalysatyn adamǵa amýr jolbarysy shabýyl jasaǵan. Bul týraly TASS-qa Maıak aýylyń ákimdigi málimdedi, dep habarlaıdy QazAqparat.

«Arsenevo aýylynyń orman alqabynda adamdar túnep jatqan vagonnan 10-15 metr qashyqta jergilikti turǵyn mert boldy», - dep málimdedi ákimdikten.

41 jastaǵy Mıhaıl vahtaǵa 15 kúnge aǵash kesýge kelgen.

Er adam túnde vagonnan shyǵyp, joǵalyp ketken. Tańerteń onyń qalta shamy, aıaq kıimi jáne jerge shashyraǵan qany tabylǵan. «Sonymen qatar ol jerden jolbarystyń izi men adamdy ormanǵa súırep ketken iz anyqtaldy», - dedi ákimdiktegiler.

Qazir oqys oqıǵa bolǵan jerge ańshylar toby jiberildi.