Reseıde óndirilgen irimshikte jáne sút ónimderinde ishek taıaqshalary tabyldy
ASTANA. QazAqparat - QR UEM Tutynýshylardyń quqyqtaryn qorǵaý komıtetiniń aýmaqtyq departamentteri sút ónimderiniń tehnıkalyq reglamentterdiń talaptaryna sáıkestigin zertteý júrgizýde. Aǵymdaǵy jylǵy naýryzda sút ónimderiniń 337 synamasy zertteldi, 82 synamada buzýshylyq anyqtaldy, dep habarlady atalǵan komıtettiń baspasóz qyzmetinen.
Astana qalasynda «Magnum» sýpermarketinde iriktep alynǵan synamalardy zertteý nátıjeleri boıynsha: Altaı óńiri, Rýbtsovsk qalasy «Vımm-Bıll-Dann» AAQ óndirgen «Lamber» 50 paıyzdyq irimshiginde ishek taıaqshalary tobynyń bakterııalary anyqtaldy. Orlov oblysy, Verhove kenti «Verhovskıı molochno-konservnyı zavod» JAQ óndirgen «Slıvochkı sgýşennye s saharom Slavıanskıe» 19 paıyzdyq quramynda sút bar qoıyltylǵan, qant, ósimdik maıy qosylǵan óniminde, sondaı-aq «Glavprodýkt» 8,5 paıyzdyq qant qosylyp qoıyltylǵan, qaımaǵy alynbaǵan sútte mezofıldi aerobty jáne fakýltatıvti anaerobty mıkroorganızmder mólsheriniń joǵarǵy bolýy anyqtaldy.
Almaty oblysynda Omby qalasy «Vımm-Bıl-Dann» AAQ óndirgen «Domık v derevne» 2,5 paıyzdyq sútiniń synamasynda jáne Qyrǵyz Respýblıkasy, Bishkek qalasy «Vımm-Bıl-Dann» AAQ óndirgen «Domık v derevne» 3,2 paıyzdyq sútiniń synamasynda qurǵaq maısyzdandyrylǵan sút qaldyǵynyń tómen mólsheri anyqtaldy, synamalar Taldyqorǵan qalasyndaǵy «Sıtı Plıýs» SOSO-da iriktep alynǵan.
Qyzylorda oblysynda fızıkalyq-hımııalyq kórsetkishter boıynsha mynadaı ónimderde sáıkessizdik anyqtaldy: Orlov oblysy «Verhovskıı molochno-konservnyı zavod» JAQ óndirgen Glavprodýkt «Stolıchnaıa» qant qosylǵan qoıyltylǵan sútte, synamalar «SMALL» saýda úıinen alynǵan; Stýpıno qalasy «Kampına» JShQ óndirgen «Slıvochnoe lakomstvo Frýttıs» 5%, banan-búldirgen ıogýrt óniminde, synamalar Qyzylorda qalasyndaǵy «Al-Asad» saýda úıinen alynǵan, Orlov oblysy, Verhove kenti «Verhovskıı molochno-konservnyı zavod» JAQ óndirgen «ıÝbıleınaıa» qant qosylǵan qoıyltylǵan sútinde, «Ptıche moloko» qoıyltylǵan sútinde, «Slavıanskıe» Glavprodýkt qant qosylǵan qoıyltylǵan sútinde, synamalar Qyzylorda qalasyndaǵy «RetialA-A» JShS-niń «Al-Asad» saýda úıinen alynǵan.
Tehnıkalyq reglamentter talaptaryn barynsha kóp buzý myna sút ónimderinde anyqtaldy: «Vımm-Bıll-Dann» AAQ, «Verhovskıı molochno-konservnyı zavod» JAQ, «Kompanııa ıÝnımılk» AAQ, «Danon Indýstrııa» AQ, «Bishkeksút» AAQ.
Komıtettiń aýmaqtyq departamentteri Qazaqstan Respýblıkasynyń zańnamasyna sáıkes saýda obektilerindegi, sonymen birge jetkizýshilerdiń qoımalaryndaǵy joǵaryda kórsetilgen sáıkes kelmeıtin ónimderdi aınalymnan alý boıynsha is-sharalar júrgizýde. Búgingi kúni Qazaqstan Respýblıkasynyń saýda kásiporyndarynan 2 tonna 529 lıtr sút ónimderi alyndy. Osy baǵyttaǵy jumys jalǵasýda.
