Reseıde «omıkron» shtamynyń úsh kishi túrin anyqtaý ádisi shyǵaryldy

NUR-SULTAN. QazAqparat – Rospotrebnadzor Ortalyq epıdemıologııa ǵylymı-zertteý ınstıtýtynyń ǵalymdary «omıkron» shtamynyń úsh kishi túrin, sonyń ishinde VA.2-ni anyqtaýdyń jańa ádistemesin shyǵardy, dep habarlaıdy QazAqparat TASS aqparat agenttigine silteme jasap.

Rospotrebnadzordyń Ortalyq epıdemıologııa ǵylymı-zertteý ınstıtýtynda SARS-CoV-2 koronavırýsynyń «omıkron» shtamynyń úsh túrin anyqtaýǵa baǵyttalǵan jańa zerthanalyq ádisteme ázirlendi. Bul ádisteme ınstıtýt ǵalymdary qurǵan epıdemıologııalyq jaǵdaıǵa monıtorıng quraldarynyń arsenalyn aıtarlyqtaı keńeıtedi», - delingen habarlamada.

Zertteý naqty ýaqyttaǵy PTR ádisi arqyly júzege asyrylady. Vedomstvonyń málimetinshe, ázirleme jedel vırýsologııalyq monıtorıng júrgizýge jáne epıdemıologııalyq jaǵdaıdyń ózgerýine der kezinde den qoıýǵa múmkindik beredi.

Rospotrebnadzordyń Ortalyq epıdemıologııa ǵylymı-zertteý ınstıtýtynyń sekvenırleý tehnologııalaryna negizdelgen jańa dıagnostıkalyq ádisterdi ázirleý jónindegi ǵylymı toptyń jetekshisi Kamıl Hafızov shtamdar sýblınııalarynyń paıda bolýy vırýstyq evolıýtsııa turǵysynan kútpegen jaǵdaı emes dep túsindirdi.

Danııa ǵalymdarynyń zertteýinshe, omıkron shtamynyń BA.2 kishi túri áldeqaıda juqpaly jáne koronavırýsqa qarsy ekpe salǵan adamdarǵa jaqsy juǵady. Hafızovtyń aıtýynsha, ol Reseıde 44 aımaqta anyqtalǵan, onyń úlesi juqtyrýdyń jalpy sanynyń 3% quraıdy.