Reseıde oqys oqıǵa saldarynan áskerı ushaqtyń ekıpajy qaza tapty

NUR-SULTAN.TASS-QazAqparat – Reseıdiń Kalýga qalasyndaǵy aerodromda Tý-22M3 ushaǵynyń katapýlt júıesi kenet iske qosylýy saldarynan ekıpajdyń úsh múshesi qaza tapty. Bul týraly QazAqparat TASS agenttigine silteme jasap habarlaıdy.

23 naýryzda jerdegi Tý-22M3 ushaǵyn josparly ushýǵa daıyndaý barysynda qozǵaltqyshty iske qosý kezinde katapýlt júıesi shtattan tys iske qosylǵan.

«Óte bıik bolmaǵandyqtan parashıýt tolyq ashylmaı ekıpajdyń úsh múshesi qoný kezinde aýyr jaraqat alǵan. Olardyń arasynda ınstrýktor ornynda otyrǵan polk komandıri de bar», - dedi Qorǵanys mınıstrliginen.

Vedomstvo úsh áskerı qyzmetkerdiń qaza bolǵanyn rastady. Oqıǵanyń barlyq mán-jaıyn anyqtaý úshin aerodromǵa Reseıdiń áýe-ǵarysh kúshteriniń komıssııasy jiberildi.

Tý-22M – qashyqqa zymyran alyp ushatyn bombalaýshy ushaqtar toby, olar qanatynyń geometrııasyn ózgerte alady.