Reseıde oqyp jatqan sheteldik stýdentter vaktsına saldyrýǵa mindetti me

MÁSKEÝ. TASS-QazAqparat - Reseı bilim jáne ǵylym mınıstrligi stýdentterdiń koronavırýsqa qarsy vaktsına saldyrýyn talap etpeıdi, dep habarlaıdy QazAqparat TASS agenttigine silteme jasap.

Bul jaıynda vedomstvo basshysy Valerıı Falkov «Eho Moskvy» radıosynyń efırinen aıtty.

«Búkil stýdentter, onyń ishinde sheteldikter de bar - KVI vaktsınasyn saldyrýǵa mindetti emes» dedi ol radıoǵa bergen suhbatynda.

Mınıstrdiń aıtýynsha, medsaqtandyrý polısi bar sheteldik stýdentter óz qalaýymen ekpe alam dese, shekteý joq.

«Olar óz qarajatyna vaktsına saldyra alady. Sondaı-aq joǵary oqý oryndarynyń ózi de qalasa, bıýdjetten tys qarjyǵa vaktsınatsııa uıymdastyrsa bolady. Biz, bilim mınıstrligi oqý oryndaryna osyndaı usynys jasaǵanbyz», - dep atap ótti Valerıı Falkov.

Munyń aldynda Rospotrebnadzor basshysy Anna Popova stýdentterdi jańa oqý jylyna deıin ekpe alýǵa shaqyrǵan edi.