Reseıde oqý jylynyń bastalýyn 1 qazanǵa aýystyrýy múmkin
ASTANA. QazAqparat - RLDP-dan Memlekettik dýma depýtattary Alekseı Dıdenko, Mıhaıl Degtıarev jáne Egor Anısımov Reseıde oqý jylynyń bastalýyn 1 qyrkúıekten 1 qazanǵa aýystyrýdy usynady, dep habarlady Bı-bı-sı.
Zań jobasy tómengi palatanyń qujattar bazasyna ornalastyrylǵan.
Zań joasyna túsindirme hatta oqý jylynyń bastalýy ýaqytyn aýystyrý «balalardyń jyldyń jyly kezinde kóbirek demalýyna, sondaı-aq memlekettiń týrıstik qyzmetten kiristerin ulǵaıtýǵa» múmkindik beredi degen ýáj keltirilgen. Depýtattar sondaı-aq halyqaralyq tájirıbege silteme jasaıdy.
2015 jylǵy qyrkúıekte Reseı Prezıdenti Vladımır Pýtın úkimetke oqý jyly bastalýynyń «ózgermeli» bolýyn qaraýdy tapsyrǵan bolatyn.
Qarashada vıtse-premer Olga Golodets úkimet bul ıdeıany qabyldamaǵanyn málim etti.
Onyń aıtýynsha, áleýmettik saýaldama mundaı reformaǵa ata-analar men muǵalimder qarsy ekenin kórsetti.
