Reseıde oqıtyn 200-den astam stýdent Aqtóbede vırýsqa qatysty tekserilýde
AQTÓBE. QazAqparat – Reseıde oqıtyn 200-den astam Qazaqstan stýdenti Aqtóbede koronavırýske qatysty analız tapsyryp jatyr, dep habarlaıdy QazAqparat tilshisi.
«Reseıden 222 stýdent keldi. Búgin qabyldap, analız aldyq. Bári karantındik statsıonarda bolady. Tekserýden soń sheshim qabyldanady.
Stýdentter elimizdiń ár óńirinen. Almaty, Nur – Sultan qalalary men birneshe oblystyń jastary bar. Aqtóbeden tek 6 stýdent. Eger eshkimnen koronavırýs ınfektsııasy anyqtalmasa, óz óńirlerine jiberiledi, eger indet juqtyrsa, bizde em qabyldaıdy», - dedi oblystyq densaýlyq saqtaý basqarmasynyń basshysy Áset Qalıev.
