Reseıde nesıeni keshiktirip tóleıtinder kóbeıdi

ASTANA. KAZIMFORM – Reseıde ýaqytynda tólenbegen tutynýshylyq nesıe kólemi 1,5 trln rýblge jetti. Bul keıingi 6 jylda tirkelgen rekordtyq deńgeı, dep jazady reseılik TASS.

Ásirese 2023-2024 jyldary táýekelge bel býyp, joǵary stavkalarmen rásimdelgen ssýdalardy keshiktiretinder kóp, dep naqtylady retteýshi. Bul týraly Reseı bankiniń málimetterine silteme jasap «Izvestııa» jazǵan.

Problemalyq ssýdalar sany ótken jylmen salystyrǵanda mamyr aıynda 400 mlrd rýblge artqan.

Problemalyq ssýdalardyń 90% rezervten jabyldy. Bul degenińiz bankter aqsha qaıtarylmaǵan jaǵdaıda paıdalaný úshin arnaıy qarjy saqtap otyrǵanyn kórsetedi. Qaryz júktemesi joǵary nesıe berýdi shekteý bankterdiń nesıe portfeliniń jaqsarýyna yqpal etedi, dep jazdy basylym.

«Izvestııaǵa» Birlesken nesıe bıýrosynyń bas dırektory Mıhaıl Aleksınniń aıtýynsha, naryqta ssýdalar boıynsha kórsetiletin qyzmet sapasy kúrt nasharlaǵan. Nesıelerdi keshiktirý táýekeli 2024 jyl boıyna jınaqtala berdi. Al onyń jáne defolttyń sharyqtaý shegi 2025 jylǵa keldi.

Bıýronyń málimetterine sáıkes, nesıe kartalary boıynsha tólemdi keshiktirý 1,5-1,8 mln adamǵa kóbeıýi múmkin. Bul 2024 jyldyń ekinshi jarty jyldyǵyndaǵy deńgeıden 70-90 paıyzǵa kóp. Basylym qazirgi tańda alǵashqy jartyjyldyqtyń naqty málimetteri joq ekenin jazdy.

Osyǵan deıin Reseıde ózin bankrot dep jarııalaıtyndar sany kóbeıgeni týraly jazdyq.