Reseıde musylmandarǵa arnalǵan uıaly telefon satyla bastady
ASTANA. QazAqparat - Reseıde musylman qaýymyna arnalǵan uıaly telefon satylymǵa shyqty. Mobıldi qurylǵydaǵy qońyraý kúnine bes ret óz ıesine namaz ýaqytyn eskertip turady.
Erekshe telefon jurtshylyqqa úsh túrli túste: jasyl, qara jáne alqyzyl tústerde usynylýda. Telefon jadynda arab jáne orys tilderinde Quran kárim jazylǵan. Qarapaıym ári uǵynyqty qosymshalary arqyly qasıetti Quran aıattaryna ońaı aýysýǵa bolady.
Reseı musylmandary ortalyq basqarmasynyń ókili Temir Imaev atalmysh qurylǵyny shyǵarmas aldyn musylman jurtshylyǵynyń qyzyǵýshylyqtaryn, talap-tilekterin bilip, qandaı gadjetterdiń tıimdi ekenin anyqtaǵandyqtaryn aıtady. «Telefon máziri óte qarapaıym ári uǵynyqty. Bul barsha musylman balasyna yńǵaıly bolady», - deıdi Imaev. Qytaıda qurastyrylatyn musylman qaýymyna arnalǵan mobıldi telefonnyń quny 1 900 som turady, dep habarlanǵan «Nur Astana» meshitiniń resmı saıtynda.
