Reseıde munaı zaýytynan órt shyqty
IRKÝTSK. TASS - QazAqparat - RF Irkýtsk oblysy Angarsk qalasynda munaı zaýytynan órt shyǵyp, jalyn 2,5 myń sharshy metr aýmaqty sharpyǵan, dedi beısenbi kúni qala meri Sergeı Petrov.
Bul týraly QazAqparat reseılik TASS-qa silteme jasap habarlaıdy.
Óńir gýbernatory Igor Kobzev bes adamnyń zardap shekkenin málim etti.
«Densaýlyq saqtaý mınıstrliginiń málimetinshe, bes adam zardap shekken. Bireýi aýrýhanada, tórteýi ambýlatorlyq em alýǵa jiberildi. Angar munaı-hımııa kompanııasynyń aýmaǵynda (AMHK) Tótenshe jaǵdaı komıssııasynyń otyrysy ótip jatyr. Budan bólek jaqyn mańdaǵy úılerde tekseris júrgizilip jatyr. Eshteńe zaqymdalmaǵan», - dedi ol.
Kobzevtiń aıtýynsha, oqıǵa ınfraqurylym jumysyna yqpal etpegen, Angarsk turǵyndaryna qaýip joq.
Órt jergilikti ýaqytpen 08:18-de órt aýyzdyqtalǵany, 10:59-da sóndirilgeni habarlandy.
Foto: tass.ru
