Reseıde munaı 40 jylǵa jetedi
ASTANA. QazAqparat - RF tabıǵı resýrstar basshysy Sergeı Donskoı Reseıde suıyq kómirsýtekter 40 jyl óndirýge jetedi, dep sanaıdy. Bul týraly ol «Vestıge» suhbatynda aıtty, dep habarlady Ýtro.rý.
Elde geologııalyq barlaý burynnan júrgizilip keledi joǵary bolashaǵy bar iri kenishterdiń jańadan ashylýy ekitalaı, dedi mınıstr.
Búginde Arktıkamen, Shyǵys Sibirmen, soltústik aýmaqtarmen baılanysty jerlerdi barlaýdyń bolashaǵy zor. Donskoıdyń aıtýynsha, bulardyń bárin áli de zerdeleý qajet.
Tabıǵı resýrstar mınıstri Reseı munaı men gaz qorlaryn «jep qoıyp» jatqan joq, dep atap ótti. Onyń aıtýynsha, jyl saıynǵy óndirilgen kómirsýtekterdiń ornyn ashylǵan kenishterdiń qorlary tolyqtyrýda.
Ol sondaı-aq reseılik kompanııalar geologııalyq barlaýǵa ınvestıtsııalar 2015 jyly 370 mlrd.-tan 325 mlrd. rýblge azaıyp ketkenine renishin bildirdi.
«Jer qoınaýyn paıdalanýshylardyń barlyq sektorlary boıynsha baǵanyń tómendeýine baılanysty kompanııalar óz saıasatyn qaıta qaraıdy, olar eń aldymen, tezirek qaıtarym beretin jerlerge ǵana ınvestıtsııalar salady, budan kelip geologııalyq barlaý jumystary japa shegedi», - dedi Tabıǵat qorlary mınıstri.
Foto: Nikolay Gyngazov/ Global Look
