Reseıde mıgranttarǵa zeınetaqy tóleýdi toqtatý usynyldy

ASTANA. KAZINFORM — Reseı lıberaldyq-demokratııalyq partııasy (LDPR) jetekshisi Leonıd Slýtskıı federaldyq bıýdjetke túsetin qysymdy azaıtý úshin Reseıde turaqty turatyn sheteldik azamattardyń áleýmettik zeınetaqysyn alyp tastaý kerektigin aıtty, dep habarlaıdy Gazeta.ru. 

— Reseı qazirgi ýaqytta jaýapty kezeńdi bastan ótkerip jatyr. Arnaıy áskerı operatsııalar, áleýmettik, demografııalyq jáne basqa da máseleler — munyń bári qomaqty qarajatty qajet etedi. Munda árbir tıyn mańyzdy! — dedi parlament múshesi.

Slýtskıı eldiń damýyna atsalyspaǵan sheteldikterdiń zeınetaqy alýǵa quqyǵy bar ekenine tańdanysyn bildirdi. Ol reseılik zeınetkerler az mólsherde aqsha alsa, keıbir «Reseıdi jek kóretin» shetel azamattary áleýmettik qoldaý alatynyn atap ótti.

Lıberaldyq-demokratııalyq partııa jetekshisiniń pikirinshe, mıgranttarǵa tólenetin áleýmettik tólemder negizsiz jáne ony toqtatý kerek. Partııa mundaı tólemderdi alyp tastaý zeınetaqy júıesine jáne jalpy bıýdjetke túsetin salmaqty azaıtýǵa septigin tıgizedi dep esepteıdi.

Slýtskıı usynǵan málimetterge sáıkes, 2024 jyly Reseıdegi kóshi-qonnyń ósýi shamamen 600 myń adamdy quraıdy — bul sońǵy 30 jyldaǵy eń joǵary kórsetkish.

Bastamanyń túsindirme hatynda usynylyp otyrǵan ózgerister zeınetaqy júıesin shekten tys mindettemelerden qorǵaýǵa baǵyttalǵany aıtylǵan.

Qoldanystaǵy Reseı zańnamasyna sáıkes, shetel azamattary men azamattyǵy joq adamdar elde keminde 15 jyl turaqty turyp, zeınetkerlik jasqa jetken jaǵdaıda (erler úshin 70 jáne áıelder úshin 65) zeınetaqy alýǵa quqyly.

2024 jylǵy 1 qyrkúıektegi kóshi-qon statıstıkasy boıynsha Reseıdede 6,1 mıllıonnan astam shetel azamaty tirkelgen.

Eske sala keteıik, Ózbekstan ártisiniń Reseıdegi kontsertinen keıin birneshe adam tutqyndaldy.