Reseıde mıgranttar emtıhanyna áıeldermen sóılesý erejelerin engizý usynyldy
ASTANA. KAZINFORM — Reseıdiń «Novye lıýdı» («Jańa adamdar») fraktsııasynyń depýtattary Vladıslav Davankov, ıAroslav Samylın jáne Ksenııa Gorıacheva Reseı Federatsııasynyń ǵylym jáne joǵary bilim mınıstri Valerıı Falkovqa mıgranttarǵa arnalǵan emtıhandy «Reseıdegi áıeldermen sóılesý erejeleri» bólimimen tolyqtyrý usynysymen hat joldady, dep habarlaıdy TASS.
Іshki ister mınıstrliginiń málimetinshe, 2024 jyly ákimshilik shyǵarý, deportatsııa jáne readmıssııa týraly 190 myń sheshim qabyldanǵan. Bul 2023 jylmen salystyrǵanda 93,8 myńǵa kóp. Usynysta mıgranttardyń qoǵamdyq tártipti buzýy, sonyń ishinde «áıelderdi qorlaý jáne syılamaý, buzaqylyq pen zorlyq-zombylyq kórsetý» jaǵdaılary kóbeıip jatqany aıtyldy.
— Deportatsııa men elden shyǵarý tájirıbesiniń jetildirilýine qaramastan, mıgranttar arasynda áıelderge qatysty mádenı-quqyqtyq normalardyń bazalyq bilimin qalyptastyrýǵa baǵyttalǵan aldyn alý sharalaryn qabyldaý qajet, - dep atap kórsetedi avtorlar.
— Shetel azamattary úshin orys tili, Reseı Federatsııasynyń tarıhy jáne zańnamasy negizderi boıynsha emtıhandy Reseıdegi áıeldermen sóılesý normalaryna arnalǵan mindetti bólimmen tolyqtyrǵan jón. Reseı Federatsııasy Úkimetiniń 2021 jylǵy 31 mamyrdaǵy № 840 qaýlysyna ózgerister engizý qajet, Ol jumysqa ruqsat nemese patent alýǵa úmitker shetel azamattary men azamattyǵy joq adamdarǵa qoıylatyn eń tómengi bilim talaptary bekitilgen. Shetel azamaty áıeldermen sóılesý normalaryn, onyń ishinde buzaqylyq men qorlaýdyń quqyqtyq saldaryn bilýi tıis degen normany qosý qajet, — delingen qujatta.
Avtorlardyń pikirinshe, sheteldik azamattar ańdýdyń nemese tıisýdiń kez kelgen túri ákimshilik nemese qylmystyq jaýapkershilikke ákep soǵatyny týraly habardar bolýy kerek.
Parlament depýtattarynyń pikirinshe, usynylǵan bastamany júzege asyrý janjaldy jaǵdaılardyń sanyn azaıtýǵa, qoǵamdyq oryndarda áıelderdiń qaýipsizdigi men qorǵalý deńgeıin arttyrýǵa, halyqtyń memlekettik kóshi-qon saıasatyna degen senimin nyǵaıtýǵa múmkindik beredi.
— Emtıhandy minez-qulyqtyń mádenı-quqyqtyq normalarymen tolyqtyrý shetel azamattarynyń neǵurlym tabysty ıntegratsııasyna jaǵdaı jasaıdy. Sondaı-aq Reseı Federatsııasynyń dástúrleri men zańdaryna qurmetpen qaraýdy qalyptastyrýǵa yqpal etedi, - deıdi depýtattar.
Eske sala keteıik, Reseıde tártip buzǵan mıgranttardy elden shyǵarý kórsetkishi 17%-ǵa ósti.