Reseıde Mı-8 tikushaǵy joǵalyp ketti

ASTANA. KAZINFORM - Kamchatkada «Vıtıaz-Aero» áýe kompanııasynyń Mı-8 tikushaǵy joǵalyp ketti. Bul týraly TASS agenttigine jedel qyzmetter habarlady.

«Kamchatkada «Vıtıaz-Aero» áýe kompanııasynyń Mı-8 tikushaǵy dittegen jerine kelmedi degen habar tústi. Aldyn ala málimet boıynsha, bortta úsh ekıpaj múshesi bar», - dep habarlady TASS aqparat kózine.

Onyń aıtýynsha, tikushaqty izdeý úshin áýe kompanııasynyń taǵy bir ushaǵy kóterilgen, taǵy bir Mı-8 tikushaǵy men jerdegi qutqarý toby baǵyt boıynsha júrýge daıyn.

«Joǵalǵan tikushaq Vachkajets janartaýy – Nıkolaevka aýyly baǵytymen júrdi. Qashyqtyq 25 shaqyrym», - dep atap ótti jedel qyzmet ókili.

Federaldyq áýe kóligi agenttiginiń málimetinshe, ushaqta 22 adam bolǵan.

«Kamchatka ólkesinde «Vıtıaz-Aero» áýe kompanııasynyń Mı-8T tikushaǵyn izdeý jumystary júrip jatyr. <…> Tikushaqtyń bortynda aldyn ala málimet boıynsha 22 adam: 3 ekıpaj múshesi jáne 19 jolaýshy bar», - delingen habarlamada.