Reseıde Mı-28N tikushaǵy apatqa ushyrady
MÁSKEÝ. TASS – QazAqparat – Reseıdiń Krasnodar ólkesinde Mı-28N tikushaǵy apatqa ushyrady, dep habarlady QazAqparat TASS agenttigine silteme jasap.
«2019 jyldyń 11 jeltoqsanynda Máskeý ýaqytymen saǵat 23:00-de Krasnodar ólkesinde túngi ýaqytta kúrdeli meteorologııalyq jaǵdaıda ótkizilgen oqý-jattyǵýy kezinde Korenovsk áýe aılaǵynyń mańynda Mı-28(N) tikushaǵy apatqa ushyrady», - dedi agenttik.
Tikushaq tolyqtaı qırap qalǵan. Ekıpajdyń eki múshesi – ushqysh pen shtýrman qaza tapty.
«Tikushaq tolyqtaı qıraǵan, ekıpajdyń máıiti tanyldy. Olar tájirıbeli ushqyshtar bolatyn», - dedi derekkóz. Ol mert bolǵandardyń biri – áýe polki komandıriniń orynbasary ekenin naqtylady.
RF Qorǵanys mınıstrliginen apat bolǵan jerge tekserý júrgizý úshin Áýe-ǵarysh kúshteri Bas qolbasshylyǵynyń komıssııasy jiberilgenin málim etti.
Óńirdiń jedel qyzmetindegi derekkózdiń aıtýynsha, tikushaq áskerı bólim aýmaǵynan tabylǵan.
«Ony taptyq. Áskerı bólimniń aýmaǵynan tabyldy. Jerdi qoıý tuman basyp qalǵandyqtan, qatty qonǵan eken», - dedi agenttik derekkózi.
Aıta ketsek, Mı-28N «Túngi kúzetshi» tikushaǵy – jaýdyń túrli tehnıkasyn, sonyń ishinde tankilerdi izdeýge jáne ony joıýǵa arnalǵan ekpindi tikushaq. Mı-28N eń joǵary jyldamdyǵy – 300 km/saǵ.