Reseıde memlekettik qyzmetkerlerdiń demalys kúni qysqartylady
ASTANA. QazAqparat - RF Úkimeti Memlekettik dýmaǵa memlekettik qyzmetkerlerdiń laýazymyna qaramastan barlyǵyna birdeı 30 kúntizbelik kún eńbek demalysyn berý qarastyrylǵan zań jobasy engizildi. Mundaı sharalar aqyly demalystarǵa ketetin shyǵyndy azaıtady, delingen mınıstrler kabınetiniń saıtynda.
Osyǵan deıin RF eńbek jáne áleýmettik qorǵaý mınıstri Maksım Topılın úkimet memlekettik qyzmetkerlerdiń qosymsha demalys kúnderin qysqartýǵa nıetti ekenin aıtqan.
«Zań jobasynda azamattyq qyzmetkerlerdiń barlyǵynyń demalysyn 30 kúntizbelik kún qylý usynyldy», - delingen habarlamada.
Qazir memlekettik qyzmetkerlerdiń eńbek demalysy 30 kúndi, joǵary sanattaǵylardyń demalysy 35 kúndi quraıdy.
Zań jobasynda azamattyq qyzmettegi eńbek ótili men demalysynyń qatynasyn ornatý, belgilenbegen jumys kúni úshin qosymsha 3 kún demalys berý usynyldy.
Qazir mundaı shekteý joq jáne mınıstrlik belgilenbegen jumys ýaqyty úshin qosymsha 15 kún demalys berip jatyr, dep habarlady RIA Novostı.
