Reseıde mektepterdiń bir bóligi oqýshylardy jazǵy kanıkýlǵa jiberdi
NUR-SULTAN. TASS-QazAqparat – Reseıdegi birqatar óńirlerdegi mektep oqýshylary 1 mamyrdan bastap nemese mamyrdaǵy merekelerden keıin merziminen buryn kanıkýlǵa shyǵady, dep habarlaıdy QazAqparat TASS-qa silteme jasap.
RF Bilim mınıstrligi 14 naýryzda óńirlerge koronavırýstyń aldyn alý úshin qashyqtan oqýǵa kóshýge keńes berdi. Sáýir aıynyń basynda mınıstrlik qajet bolǵan jaǵdaıda birinshi synyptan segizinshi synypqa deıingi oqýshylar úshin oqý jylyn merziminen buryn aıaqtaýǵa, onynshy synyp oqýshylaryn 30 mamyrǵa deıin kanıkýlǵa jiberýge, al toǵyzynshy jáne on birinshi synyptardy emtıhandarǵa 5 maýsymǵa deıin daıyndaýǵa ruqsat berdi. Oqýshylar aıaqtalǵan toqsannyń nátıjeleri boıynsha baǵalanýy tıis, al ótpeı qalǵan oqý materıaldary kelesi kúzge qaldyryldy.
Karelııada 1 mamyrdan bastap bastaýysh synyp oqýshylary demalady. Sonymen qatar, Habarovsk ólkesinde birinshi synyptan tórtinshi synypqa deıingi oqýshylar sáýir aıynan bastap demalysqa jiberildi, al 1 mamyrdan bastap 4-7 synyp oqýshylary úshin demalys bastalady. Kabardıno-Balkarııada, sondaı-aq Ýlıanov oblysy men Altaı Respýblıkasynda 1 mamyrdan bastap 1-8 synyp oqýshylary demalysqa shyǵady. Saratov oblysy men Chývashııa Respýblıkasynda segizinshi synypqa deıingi balalarǵa demalys mamyr merekelerinen keıin bastalady.
