Reseıde mekteptegi atystan 9 adam qaza taýyp, 20-sy jaraqat aldy

MÁSKEÝ. TASS - QazAqparat – Reseıdiń Ijevsk qalasyndaǵy mektepte atys bolyp, toǵyz adam qaza tapty, 20 adam jaraqat aldy. Aldyn ala málimet boıynsha, qaskóı óz-ózine qol jumsaǵan, dep habarlaıdy QazAqparat TASS agenttigine silteme jasap.

«Búgin polıtsııaǵa Ijevsk qalasynyń №88 mektebinde atys bolǵany týraly habarlama kelip tústi. Polıtsııa qyzmetkerleri dereý oqıǵa ornyna bardy», - dedi Udmurt Respýblıkasy boıynsha Reseı ІІM baspasóz qyzmeti.

Oqý ornynyń kúzetshisi kóz jumdy, stýdentter arasynda da qurban bolǵandar men jaraqat alǵandar bar.

Aldyn ala málimet boıynsha, shabýyl jasaýshy adam óz-ózine qol jumsaǵan. Oqýshylar men muǵalimder evakýatsııalandy.

Udmurt basshysy Aleksandr Brechalov oqıǵa ornyna keldi.

Mektep Ijevsk qalasynyń ortalyǵynda qala ákimshiligi ǵımaratynyń janynda ornalasqan. Qazir onda 982 oqýshy oqıdy, 80 muǵalim jumys isteıdi.

Eske sala keteıik, 2021 jyldyń mamyr aıynda Qazandaǵy mektepte bolǵan atys saldarynan 8 adam qaza taýyp, 21 adam zardap shekken bolatyn.

Foto: tass.ru