Reseıde mektep oqýshylarynyń avtobýsy jol apatyna ushyrady
ASTANA. QazAqparat - RF Krasnodar ólkesiniń Krasnoıar aýdanynda jol talǵamaıtyn Toyota Land Cruiser kóligi men 31 adam mingen mektep oqýshylarynyń avtobýsy soqtyǵysy. Bul týraly Interfaks agenttigi ІІM-niń óńirlik basqarmasyna silteme jasap habarlaıdy.
Jol apatynyń saldarynan jol tańdamaıtyn kóliktiń júrgizýshisi qaza bolyp, onyń jolaýshysy aýrýhanaǵa jetkizildi. Avtobýstan otyrǵan jolaýshylardyń 12-i zardap shekti. Olardyń barlyǵy orta deńgeıdegi jaraqattarymen medıtsına mekemelerine jetkizildi.
Avtobýsta 27 bala men 4 eresek azamat otyrǵan.
