Reseıde Qyrǵyzstan men Tájikstan azamattary arasynda jappaı tóbeles boldy

IRKÝTSK. QazAqparat - Reseıdiń quqyq qorǵaý organdary Irkýtsk oblysynda Qyrǵyzstan men Tájikstannyń 500 azamaty arasynda bolǵan jappaı tóbeles faktisi boıynsha jedel tergeý sharalaryn júrgizip jatyr, dep habarlaıdy QazAqparat Kabar agenttigine silteme jasap.

Oqıǵa 23 maýsymda Jıgalov aýdanynyń Kovykty gaz kondensaty ken ornynda bolǵan.

Reseı Federatsııasyndaǵy Qyrǵyzstan elshiliginiń keńsesi zardap shekkendermen jedel baılanys ornatty.

Qyrǵyz Respýblıkasynyń 5 azamaty ártúrli dárejede jaraqat aldy, onyń bireýi aýrýhanaǵa jatqyzyldy.

Irkýtskidegi elshilik keńsesiniń konsýly Qyrǵyzstan azamattaryna konsýldyq-quqyqtyq kómek kórsetý jáne jergilikti quqyq qorǵaý organdarynyń ókilderimen kezdesý ótkizý úshin oqıǵa ornyna bardy.

Bul másele Reseı Federatsııasynyń Irkýtsk qalasyndaǵy Qyrǵyzstan elshiligi keńsesiniń baqylaýyna alynǵany ótildi.