Reseıde qutqarýshylar eldimekende aıý kezdesip qalýy múmkin ekendigin eskertti
ASTANA. QazAqparat - Krasnoıarsk ólkesiniń TJM basqarma bastyǵy Valerıı Tereshkov TVK telearnasynda óńirdiń bes aýdanynda aıý kezdesip qalý qaýpi bar ekendigin málim etti.
Qala mańyndaǵy Ýdachnyı kentinde, Plodovo-ıagodnaıa stansasynda, Sopkı mańaıynda, Gremıachaıa grıva aýdanynda jáne «Stolba» qoryǵynda aıý kezdesýi múmkin. Plodovo-ıagodnaıa stansasynda qonjyqtary bar kirekeı (urǵashy aıý - avt.) salynyp jatqan úıden júz metr jerde baıqalǵan. Taǵy bir aıýdy Lesnoı kóshesinde júrgen.
Budan buryn qutqarýshylar jyrtqyshty baıqaǵandar týraly málimet taratqan. 31 tamyz kúni Soltústik Enıseı aýdanynda qala syrtyndaǵy tasjolǵa qonjyq shyqqan. Júrgizýshiler oǵan popkorn men tátti qoıý sút bergen.
Birneshe kún buryn Krasnoıarsk ólkesi Enıseı aýdany Podtesovo kentinde polıtsııa qyzmetkeri adamdarǵa shabýyl jasaǵan aıýdy atyp óltirgen edi. Jyrtqyshty aýlaǵa kirip, qoıdy jep jatqan kezde atylǵan.
Qala kóshelerinde aıýlardyń júrýi týraly aqparat tamyz aıynda Reseıdiń kóptegen óńirlerinen kelip túsken. Irkýtsk oblysy Jıgalovskıı aýdanynda aıý geologııalyq barlaý tobyna shabýyl jasap, bir adam qaza tapqan. Birneshe saǵat ótkennen keıin jyrtqyshty ańshylar taýyp óltirdi.
