Reseıde Qurmanbek Bakıevtiń tóńiregindegiler ustaldy - Qyrǵyzstan ІІM
ASTANA. 14 maýsym. QazAqparat - Qyrǵyzstannyń Іshki ister mınıstrligi Reseı Federatsııasynda eks-prezıdent Qurmanbek Bakıevtiń birneshe serigi ustalǵanyn málim etti,
dep habarlaıdy Rosbalt agenttigi.
ІІM Qylmystyq izdeý bas basqarmasynyń basshysy Tilek Álibaev, basqarmanyń jedel toby Reseıge 2 maýsymda attanǵanyn atap kórsetti. «Olar halyqaralyq jáne memleketaralyq izdeýde júrgen segiz qylmyskerdi ustady, olardyń úsheýi eldiń ońtústiginde 2010 jyldyń maýsym aıynda bolǵan oqıǵalar boıynsha qozǵalǵan ister boıynsha kúdiktiler», - dedi T.Álibaev.
Onyń aıtýynsha, 8 maýsymda Máskeýde aktıvterdi basqarý komıssııasynyń burynǵy múshesi jáne AzııaÝnıversalBanktiń táýekel-menedjment bóliminiń eks-basshysy Sergeı Kostıýk ustaldy. «Maksım Bakıevtiń (eks-prezıdenttiń ulynyń) qarjygeri bolǵan ol Bakıevterdiń otbasylyq esepshottaryndaǵy aqshanyń qaıda ketkenin bilýi múmkin. Qazir ony elge ekstradıtsııalaý máselesi sheshilýde», dedi T.Álibaev.
T.Álibaev basqa ustalǵan azamattardyń aty-jónderin ataǵan joq.
