Reseıde quny 50 myń dollarlyq «ımperatordyń selfı-taıaǵy» satylýda
ASTANA. QazAqparat - Reseıde aýqatty adamdarǵa arnalǵan zergerlik «selfı-taıaq» satylýda, ony frantsýzdyń OUVRI kompanııasy jasaǵan.
tech.onliner.by saıtynyń jazýyna qaraǵanda, Napoleon III pen onyń jubaıy Evgenııanyń aty berilgen ımperatorlyq monopodtyń quny 2,5 myńnan bastalyp 49 myń dollarǵa sheıin turady.
Qymbat monopodty frantsýz sýretshisi Inna Bıton jobalaǵan, ári ol 2,2 karat brıllıantpen bezendirilgen. Onyń syrtqy pishini Frantsııanyń sońǵy monarhy Napoleon III-tiń tájine uqsatylyp jasalǵan. Asa qymbat monopodtyń baǵasy 49 myń dollardan asady. Ol kók buzaýdyń terisimen qaptalyp, 925-shi synamaly kúmis jáne sary altynmen bezendirilgen.
