Reseıde kosmonavtıka týraly oqýlyq jaryq kórdi
ASTANA. Sáýirdiń 26-sy. QazAqparat /Sara Qabıqyzy/ - M.V.Lomonosov atyndaǵy Máskeý memlekettik ýnıversıteti jýrnalıstıka fakýltetiniń stýdentteri «Jelaıý vam dobrogo poleta...» dep atalatyn kitap jazyp shyǵardy, dep jazady «Novaıa gazeta» basylymy. Kitap redaktory - «Novaıa gazeta» basylymynyń sholýshysy, Reseı Batyry, ǵaryshker-ushqysh ıÝrıı Batýrın.
Gazettiń atap kórsetýinshe, biregeı basylym bolyp tabylatyn kitapta ǵarysh týraly, atmosfera týraly túsinikti jáne uǵynyqty etip jazylǵan, onda kosmonavtıka tarıhyndaǵy eń mańyzdy oqıǵalar, eń bastysy - adamdardyń qalaı ǵaryshker bolatyndyǵy týraly da baıan etiledi. Ǵaryshkerler qataryna qalaı qabyldaıtyny, zymyrannyń jáne ushyrý alańynyń jumysy, adamdardyń orbıtada qalaı turyp, qalaı jumys isteıtini týraly derekter tek balalar úshin ǵana emes, eresekter úshin de qyzyqty bolady, dep úmittenedi kitap avtorlary.
