Reseıde koronavırýstyń «omıkron» shtamy anyqtaldy

MÁSKEÝ. TASS-QazAqparat – Reseıde bir táýlikte koronavırýs juqtyrǵandar sany 31 096-ǵa kóbeıdi, 14 qazannan beri bul kórsetkish birinshi ret 32 myńnan tómen bolyp otyr, dep habarlaıdy QazAqparat TASS agenttigine silteme jasap.

Salystyrmaly túrde jańa jaǵdaılardyń ósý úlesi – 0,32%. Atap aıtqanda, bir táýlikte Sankt-Peterbýrgte 2 381, Máskeý oblysynda 2 208, Krasnoıar ólkesi men Samara oblysynda 781, Voronej oblysynda 717 juqtyrý jaǵdaıy tirkelgen.

Qazirgi kezde 1 016 110 adam em qabyldap jatyr.
Ólim sany bir táýlikte 1 182-ge kóbeıip, 283 644-ke jetti. Bir kún buryn bul kórsetkish 1 184 bolǵan. Shtab derekterine saı, shartty ólim sany (naqty ólim sany epıdemııa aıaqtalǵannan keıin belgili bolady) 2,88%-ǵa ósken.
Sonymen qatar Reseıde koronavırýstyń alǵash ret «omıkron» shtamy anyqtaldy. Ony OAR-dan kelgen eki azamat juqtyrǵan. Barlyǵy atalǵan reıspen kelgen 10 azamattan koronavırýs anyqtaldy, qazirgi kezde olar oqshaýlanǵan.