Reseıde koronavırýstan kóz jumǵandar sany antırekord jańartýda

MÁSKEÝ. TASS-QazAqparat – Reseıde koronavırýstan kóz jumǵanar sany táýlik ishinde 791 adamǵa jetken. Keshe 786 adam boldy. Bul – pandemııa bastalǵaly elde tirkelgen eń úlken san, dep habarlaıdy QazAqparat Reseıdiń TASS aqparat agenttigine silteme jasap.

Reseıdiń jańa aýrýmen kúres júrgizý jónindegi federaldyq shtab málimentishe, shartty ólim deńgeıi (sońǵysy kórsetkish tek pandemııa aıaqtalǵan soń ǵana anyqtala alady) 2,48%-dy qurap otyr.

Táýlik ishinde Sankt-Peterborda 108 ólim oqıǵasy, Irkýtsk oblysynda – 33 ólim oqıǵasy, Nıjegorod oblysynda – 26, Krasnodar ólkesinde – 25, Voronej oblysynda 23 ólim oqıǵasy tirkelgen.

Koronavırýs juqtyrýdyń rastalǵan oqıǵalarynyń sany bir táýlikte 25 293-ke kóbeıip, 5 882 295 oqıǵaǵa deıin jetken.

Salystyrmaly mánde aýrýǵa shaldyqqandar sanynyń ósimi 0,43%-dy quraǵan. Atap ótkende, táýlik ishinde Máskeý oblysynda aýrý juqtyrýdyń 2 444 oqıǵasy, Sankt-Peterborda – 1 954 oqıǵa, Nıjegorod oblysynda 528, Sverdov oblysynda – 484, Krasnoıar ólkesinde 468 oqıǵa anyqtaldy.

Qazirgi kezde Reseıde 457 250 adam em alyp jatyr. Máskeýde koronavırýs ınfektsııasyn juqtyrǵandar sany bir táýlikte 5 237 adamǵa jetip (bir kún burynǵy kórsetkish - 3 966 adam),jalpy sany 1 448 835 adam boldy.

Shtab málimentishe, aýrýǵa shaldyqqandardyń sanynyń ósimi salystyrmaly mánde 0,36%-dy quraǵan. Máskeýde qaýipti vırýstan bolǵan ólim-jitim sany táýlik ishinde 101-ge jetip (bir kún buryn 109), jalpy sany 24 068 adam boldy.

Eske salsaq, Reseıde qaýipti vırýstan kóz jumǵandar sany birneshe kún qatarynan rekord ornatýda. Jáne Reseıde koronavırýs juqtyrǵandar sany ósip, álemde tórtinshi orynǵa kóterildi