Reseıde koronavırýstan kóz jumǵandar sany 8 myńnan asty
MÁSKEÝ. QazAqparat – Reseıde bir táýlikte koronavırýs juqtyrý jaǵdaılarynyń sany 7 889 adamdy qurady. Bul týraly QazAqparat TASS agenttigine silteme jasap habarlaıdy.
Agenttiktiń málimeti boıynsha Reseıde jańa koronavırýs ınfektsııasyn juqtyrǵandardyń jalpy sany 576 952 adamǵa jetti.
Tórt kún boıy táýliktik ósim 1,4% deńgeıinde tur. Eń az ósim Máskeýde (0,5%) tirkelgen. El astanasynda tórt kún boıy bul kórsetkish saqtalyp otyr. Máskeýde bir táýlikte 1 057 jańa oqıǵa anyqtaldy. Sondaı-aq, eń az ósim qarqyny Soltústik Osetııada (0,8%), Tatarstanda (0,9%), Ingýshetııada (1%) jáne Evreı avtonomdy okrýgy (AO) (1%) tirkelgen. Aýrý juqtyrýdyń 280 jańa jaǵdaıy Hanty-Mansy avtonomdy okrýginde, Sankt - Peterbýrgte 232, Nıjegorod oblysynda 228 jáne Sverdlovsk oblysynda 224 jańa koronavırýs juqtyrý oqıǵasy anyqtaldy.
Reseıde qazirgi ýaqytta 234 358 adam em qabyldaýda. Bir táýlikte emdelýshilerdiń sany 10 186 adamǵa ósti. 334 592 adam saýyǵyp aýrýhanadan shyqty.
RF-da saýyǵyp shyqqandardyń sany koronavırýsty juqtyrǵandardyń jalpy sanynyń 58%-yn quraıdy. Bir táýlik ishinde Máskeýde 2 115, Sankt-Peterbýrgte 794, Sverdlovsk oblysynda 299, Nıjegorod oblysynda 282 jáne Chelıabi oblysynda 248 naýqas emdelip shyqty.
Reseıde koronavırýstan táýlik ishinde 161 adam qaıtys boldy.
