Reseıde koronavırýstan kóz jumǵan adamdardyń táýliktik kórsetkishi rekord ornatty

MÁSKEÝ. QazAqparat – TASS – Reseıde koronavırýstan bolǵan ólim-jitim sany 780-ge jetti, bul pandemııa bastalǵannan bergi eń joǵarǵy kórsetkish, dep habarlaıdy QazAqparat TASS-qa silteme jasap.

Bir kún buryn ólim-jitim sany 710-dy quraǵan bolatyn.

federaldy jedel shtabtyń málimetinshe, jalpy ınfektsııadan 144 492 adam kóz jumǵan.

Aýyrǵandar men jazylyp shyqqandar sany Reseıde koronavırýs ınfektsııasynyń rastalǵan jaǵdaılarynyń sany bir kúnde 24 702-ge, jalpy 5 833 175-ke deıin ósti. Salystyrmaly túrde aýrýdyń ósý qarqyny 0,43%-dy qurady.

Qazirgi ýaqytta Reseıde 452 469 adam em alýda.

Koronavırýstan jazylǵan reseılikterdiń sany bir kúnde 19 566-ǵa, jalpy 5 236 214-ke deıin ósti.

Shtab málimetinshe, emdelgen patsıentterdiń úlesi juqtyrǵandardyń jalpy sanynyń 89,8%-yn quraıdy.