Reseıde koronavırýstan qaıtys bolǵandardyń sany 100 myńnan asty

MÁSKEÝ. TASS – QazAqparat. – Reseıde koronavırýs ınfektsııasynyń rastalǵan jaǵdaılarynyń sany bir kúnde 9 021-ge, jalpy 4 572 077 deıin ósti. Bul týraly senbi kúni jýrnalısterge jańa ınfektsııaǵa qarsy federaldy jedel shtab málim etti, dep jazady QazAqparat TASS agenttigine silteme jasap.

Salystyrmaly túrde alǵanda, naýqastar sany 0,2%-ǵa deıin ósti.

Qazirgi tańda Reseıde 276 191 adam em alyp jatyr. Koronavırýstan keıin emdelgen reseılikterdiń sany bir kúnde 9 618-ge deıin ósti.

Barlyǵy 4 195 869 adam saýyǵyp ketti. Shtab málimetine sáıkes, shyǵarylǵan patsıentterdiń úlesi juqtyrǵandardyń jalpy sanymen salystyrǵanda 91,8%-ǵa deıin ósti.

Elde koronavırýsqa saldarynan bolǵan ólim sany bir kún buryn 384 bolsa, endi 400-ge jetti.

Pandemııa bastalǵannan beri ınfektsııadan 100 017 adam qaıtys boldy.

Shartty ólim-jitim (epıdemııa aıaqtalǵannan keıin ǵana anyqtalýy múmkin) 2,19% deńgeıine deıin ósti dep habarlady shtab.