Reseıde koronavırýstan qaıtys bolǵandar sany úsh kún qatarynan kóterilýde

MÁSKEÝ. TASS – QazAqparat – Reseıde koronavırýstan qaıtys bolǵandar sany bir táýlikte 1 254, keshe 1 251 adamǵa, jalpy 261 589-ǵa jetti, dep habarlady juma kúni jýrnalısterge jańa aýrýǵa qarsy kúres jónindegi federaldyq jedel shtabtan.

Qazirgi ýaqytta KVI-den kóz jumǵandar sany 2,83%-ǵa artqan, delingen shtabtyń dereginde. Atap aıtqanda, Máskeýde osy aýrýdan bir táýlikte 95 adam qaıtys bolsa, Sankt-Peterbýrgte - 77, Krasnodar ólkesinde - 69, Máskeý oblysynda - 58, Perm men Stavropolsk ólkesinde - sáıkesinsh 43 jáne 42, Nıjegorod oblysynda - 41.

Koronavırýs juqtyrǵandar sany bir táýlikte 37 156 adamǵa (0,4%) kóbeıip, 9 257 068-ge jetti. Atap aıtqanda, 2 714 jaǵdaı Sankt-Peterbýrgte, 1 777 - Máskeý oblysynda, 1 764 - Samara oblysynda, 903 – Krasnodar ólkesinde, 884 – Qyrym Respýblıkasynda tirkeldi.

Qazirgi ýaqytta em qabyldap jatqan naýqastar sany 1 039 225 adamǵa qysqarǵan. Koronavırýstan jazylǵan reseılikter sany bir táýlikte 37 004 adamǵa artyp, 7 956 254 boldy. Bul pandemııadaǵy eń joǵary kórsetkish, delingen shtab dereginde.