Reseıde koronavırýstan qaıtys bolǵandar sany 5 myńnan asty
MÁSKEÝ. TASS-QazAqparat – Reseıde sońǵy táýlikte koronavırýstan 182 adam qaıtys bolǵan. Aýrýdan kóz jumǵandar sany – 5037. Bul týraly seısenbi kúni jýrnalısterge jańa ınfektsııamen kúres jónindegi jedel shtab málim etti dep habarlaıdy QazAqparat TASS agenttigine silteme jasap.
Reseıde bir táýlikte anyqtalǵan koronavırýs ınfektsııalarynyń sany - 8 863, bul rette kúnine 11 108 patsıent emdelip aýrýhanadan shyqty. Derekterge sáıkes, bir táýlikte saýyǵyp shyqqan patsıentterdiń sany jańadan anyqtalǵan jaǵdaılardyń sanynan 25% joǵary.
Reseıde barlyǵy 423 741 adam koronavırýs juqtyrǵan, onyń 186 985-i (44%) emdelip shyqty.
Koronavırýs juqtyrýdyń 732 jańa jaǵdaıy - Máskeý oblysynda, 376-sy –Sankt Peterbýrgte, 354-i – Nıjegorod oblysynda, 292-si – Sverdlov jáne 253-i – Rostov oblystarynda tirkelgen.
El astanasynda barlyǵy 185 354 adam vırýs juqtyrǵan, 88 269 patsıent emdelip shyqsa, 2625 naýqas qaıtys bolǵan.
