Reseıde koronavırýsqa shaldyqqandar sany 600 myńnan asty
MÁSKEÝ. TASS-QazAqparat – Reseıde bir táýlikte koronavırýs juqtyrǵandar sany 7176 adam bolsa, naýqastardyń jalpy sany 606 881 adamǵa jetti. Bul týraly sársenbi kúni jańa koronavırýs ınfektsııasynyń taralýyna qarsy kúres jedel shtabynan málimdedi, dep habarlaıdy QazAqparat TASS agenttigine silteme jasap.
Málimetterge sáıkes, bir táýliktegi ósim 1,2%-ǵa tómendep, rekordtyq kórsetkish kórsetken. Buǵan deıin 1,3% deńgeıinde bolǵan. Qazirgi ýaqytta em qabyldap jatqandar sany – 229546 adam.
Koronavırýsqa shaldyǵyp, jazylyp shyqqandar sany ótken táýlikte 12 393 adamdy qurady. Bul - ınfektsııa bastalǵan ýaqyt ishindegi rekordtyq kórsetkish.
Derekterge sáıkes, barlyǵy 368 822 adam aýrýhanadan emdelip shyqqan, bul Reseıde koronavırýs juqtyrǵandardyń jalpy sanynyń 60,7% qurap otyr.
Bir táýlikte koronavırýstan qaıtys bolǵandar sany 154 adam, RF-te jalpy ınfektsııadan 8513 adam kóz jumdy.
Bul – Reseıde aýrý juqtyrǵandardyń jalpy sanynyń 1,4 paıyzy.
