Reseıde koronavırýsqa qarsy vaktsına klınıkalyq synaqtan ótkizildi
MÁSKEÝ. TASS - QazAqparat – Reseıdiń Sechenov ýnıversıtetinde koronavırýsqa qarsy vaktsına klınıkalyq synaqtan ótkizildi. Zertteý nátıjesi ekpeniń qaýipsiz ekenin kórsetti. Bul týraly TASS-qa jeksenbi kúni Ýnıversıtettiń dárilerdi klınıkalyq zertteý ortalyǵynyń basshysy, bas zertteýshi Elena Smolıarchýk málim etti, dep habarlaıdy QazAqparat.
«Zertteý aıaqtaldy, ol vaktsınanyń qaýipsiz ekenin kórsetip otyr. Synaqqa erikti túrde qatysqandar 15 jáne 20 shildede shyǵarylady», - dedi ol.
«Olar ýnıversıtet zerthanasynan shyǵarylǵannan keıin ambýlatorlyq baqylaýda bolady», dedi Smolıarchýk.
Sechenov ýnıversıtetinde vaktsınanyń alǵashqy synaq kezeńi 18 maýsymda bastaldy. Ol kezde 18 eriktige ekpe egildi. 20 adamnan quralǵan eriktilerdiń ekinshi tobyna 23 maýsymda vaktsına salynǵan edi.
