Reseıde koronavırýsqa qarsy ekinshi vaktsına tirkeldi
MÁSKEÝ. QazAqparat - Reseıdn koronavırýsqa qarsy ekinshi vaktsınanyń tirkelgeni jáne úshinshi vaktsınany jedel tirkelgendigi habarlandy. Bul týraly Reseı Prezıdenti Vladımır Pýtın aıtty, dep habarlaıdy QazAqparat TASS-qa silteme jasap.
Vladımır Pýtın reseılik koronavırýsqa qarsy vaktsınalar óndirisin ulǵaıtý jáne olardy el ishinde jetkizý mańyzdy ekenin atap ótti.
«Biz qazir birinshi vaktsınanyń da, ekinshi vaktsınanyń da óndirisin ulǵaıtýymyz kerek. Árıne, eń aldymen, Reseı naryǵyn osy preparattarmen qamtamasyz etken jón: olar Reseıdiń dárihana jelilerine jáne múmkindiginshe kóbirek jetkizilýi kerek», - dedi ol.
«Vektor» ortalyǵy 24 shildede Reseı Federatsııasynyń Densaýlyq saqtaý mınıstrliginen vaktsınany eriktilerge klınıkalyq synaqtan ótkizýge ruqsat alǵan bolatyn. 30 qyrkúıekte vaktsına resmı túrde patent aldy. «Vektor» vaktsınasy vırýstyń fragmentteri - sıntetıkalyq peptıdti antıgenderden turady. Olarǵa negizdelgen vaktsına koronavırýsqa qarsy ımmýndyq reaktsııany týdyrady jáne odan ári ımmýnıtettiń damýyna yqpal etedi.
Buǵan deıin habarlanǵandaı, M.P. Chýmakov atyndaǵy Reseı Ǵylym akademııasy
ımmýnobıologııalyq preparattardy zertteý jáne damytý federaldy ǵylymı ortalyǵy 19 qazanda Kırov men Sankt-Peterbýrgte jańa koronavırýstyq ınfektsııaǵa qarsy vaktsınasyn klınıkalyq zertteýdi bastaıdy.
