Reseıde koronavırýsqa qarsy antıdeneler týraly sertıfıkat berile bastaıdy
COVID-19 indetinen aıyqqan reseılikter 21 aqpannan bastap koronavırýsqa qarsy antıdeneler týraly sertıfıkat alady, dep habarlady RF Densaýlyq saqtaý mınıstrliginiń baspasóz qyzmetinen. Testileý nátıjeleri Memlekettik qyzmetterdiń biryńǵaı portalyna engiziledi. Antıdenelerge arnalǵan sertıfıkattyń áreket etý merzimi test nátıjesin alǵan kúnnen bastap alty aıdy quraıdy. Sonymen qatar, QR-kodta emdelýshi týraly tolyq aqparat bolady: ekpeleri, vaktsınatsııaǵa qarsy kórsetilimderi jáne antıdenelerdiń deńgeıi. Anyqtama elektrondy úkimet saıtyndaǵy patsıenttiń jeke kabınetinde «COVID-19-ǵa qarsy ımmýndaý týraly aqparat» bóliminde kórsetiledi.
Djons Hopkıns ýnıversıtetiniń málimetinshe, álemde COVID-19 juqtyrǵandardyń jalpy sany 400 mıllıonnan asty. Qaıtys bolǵandar sany 5 761 208-ge jetti. Bul statıstıka ýnıversıtettiń ǵylymı-zertteý jobasy aıasynda alynyp otyr, ol naqty ýaqyt rejıminde barlyq elderden epıdemııa derekterin baqylaıdy. Osylaısha, 2021 jyldyń 26 qańtarynda álemde COVID-19 rastalǵan jaǵdaılary 100 mıllıonnan assa, 4 tamyzda – 200 mıllıon, 2022 jyldyń 6 qańtarynda 300 mıllıonǵa jetti. Búgingi kúni olardyń sany 400 mıllıonǵa jýyq.
