Reseıde koronavırýsqa baılanysty shekteý 12 mamyrǵa deıin sozylýy múmkin
MÁSKEÝ. TASS-QazAqparat – Reseıde koronavırýstyń taralýy sebebimen engizilgen shekteý rejımin uzartýǵa qatysty usynystar ádiletti. «Rospotrebnadzor» basshysy Anna Popova osylaı málimdedi, dep habarlaıdy QazAqparat TASS agenttigine silteme jasap.
«Men buny ádiletti usynys dep sanaımyn, biz ǵalymdarmen sóılestik, olar da osy pikirde», - dedi Popova telearnaǵa bergen suhbatynda.
Ol reseılikterdiń qazirgi kezde eki ınkýbatsııalyq kezeń, shamamen 28-30 kún «qarym-qatynasty úzý rejıminde» júrgenin túsindirdi. Alaıda indetke shaldyqqan adamdar sanynyń aıtarlyqtaı azaıyp, baqylanyp otyrǵan nátıjeni bekitý úshin taǵy bir ınkýbatsııalyq kezeń qajet bolyp otyr.
Popova Reseıde vırýs juqtyrý oqıǵalarynyń ósimi baıqalmaı otyrǵanyn atap ótti.
«Tómendeý – bul kún saıyn tirkelip otyrǵan oqıǵalar sanynyń kelesi kúnge qaraǵanda azaıýy. Ázirge juqtyrýshylardyń dınamıkalyq birqalypty qısyq syzyǵy qalyptasqan, ony tómendetý úshin bizge taǵy ýaqyt qajet bolyp tur», - dep atap ótti ol.
