Reseıde koronavırýs juqtyrýǵa qatysty alǵashqy eki oqıǵa anyqtaldy
MÁSKEÝ. TASS-QazAqparat – Reseı aýmaǵynda koronavırýs juqtyrǵan eki adam anyqtaldy. Ekeýi de qytaılyq. Bul týraly RF vıtse-premeri, Reseı aýmaǵynda jańa koronavırýstyq ınfektsııanyń ákelinýi men taralýynyń aldyn alý jónindegi shtab tóraıymy Tatıana Golıkova málim etti, dep habarlaıdy QazAqparat TASS agenttigine silteme jasap.
«Reseıdiń Tutynýshylardyń quqyqtaryn qorǵaý jáne adamnyń ál - aýqatyn qorǵaý salasyndaǵy qadaǵalaý qyzmetiniń qyzmetkerleri RF aýmaǵynda koronavırýstyń jańa ınfektsııasyn juqtyrǵan Zabaıkale ólkesinde jáne Túmen oblysynda eki naýqasty anyqtady. Olar qatań baqylaýda, oqshaýlanǵan, olarǵa qajetti kómek kórsetilýde. Ekeýi de Qytaı azamaty «, - dedi shtab tóraıymy.
2019 jyldyń 31 jeltoqsanynda Qytaı Dúnıejúzilik densaýlyq saqtaý uıymyna (DDSU) 11 mln-nan astam halqy bar iri saýda-ónerkásip ortalyǵy Ýhan qalasynda belgisiz pnevmonııa shyqqany týraly habarlady. 7 qańtarda aýrý qozdyrǵyshy - nCoV vırýsy ekeni anyqtaldy.
Atalǵan vırýs QHR-dan basqa 21 elde, onyń ishinde RF-da anyqtalǵan. DDSU Qytaıdaǵy indetti halyqaralyq deńgeıdegi tótenshe jaǵdaı dep tanydy. Qazirgi ýaqytta Qytaıda jańa koronavırýsty juqtyrǵandardyń jalpy sany 9 800-den asty, odan 200-den astam adam kóz jumdy.
